Lengst ute mot storhavet er jordsmonet skrint, berg og nabbar, kvastar med lyng og brake gjer det ofte vanskeleg å finna ein stad å slå opp teltet for dei som er utstyrt med kajakk, robåt eller berre eventyrlyst utan stort budsjett til overnatting med boblebad og marmorfliser på badet.

Dette ville Havstril padleklubb gjera noko med, og sjølv utan bobler og italienske fliser står Kystturhytta som dei reiste i samarbeid med Bergen og Omland Friluftsråd der klar til å ta mot gjestar som er oppteken av opplevingar framfor komfort.

Hytta er teikna av Biotope arkitekter, og finansiert av gåver og tippemidlar.

Tilgang med kajakk eller anna form for båt eller fartøy. Gjestar må ta med seg sovepose, liggeunderlag mm. Søppel må brukarar sjølv frakta bort frå holmen.