Våningshuset på eigedommen kan leigast etter avtale med Friluftsrådet. På grunn av brannforskriftene vert huset ikkje leigd ut til fleire enn ni personer. 

• Huset har innlagt kaldt vatn, men ikkje straum.
• Vatnet er ikkje godkjent som drikkevatn, hugs å ta med vatn til eige bruk.
• Ta med sovepose, det er ikkje dyner og puter.
• På kjøkkenet er det kokeplate og kjøleskap med propangass, kokekar og dekketøy.
• I stova er det vedomn og ei lita parafinomn. Vi rår til å ta med ved, parafin og stearinlys til eige bruk.
• Ei større grill er tilgjengeleg for dei som leiger huset. Hugs å ta med grillkull og tennvæske.
• I perioden 15. oktober til 15. april er hytten vinterstengt.
• Tid for overlevering av huset er kl. 12:00.
  
• Pris per døgn: kr. 500,-.
• Hugs å hent nøkkel på førehand på vårt kontor på Helleneset (opent kvardagar mellom kl. 08:00 og 15:00). På Horgo kan ein òg be om kode til nøkkelboks, slik at ein får henta ut nøkkel på staden. Då må ein kontakte oss på e-post: utleie@bof.no og be om kode. Hugs å opplys oss om tidspunktet ein har tenkt å kome og reise, då kodane følgjer tidsintervall.

Horgo er ei naturskjønn øy med fleire lune bukter ut mot storhavet. Friluftsområdet er eit tidlegare småbruk på totalt ca. 60 dekar inn-og utmark. Friluftsrådet overtok forvaltninga av området i 1988. Flytebryggje og informasjonstavle for friluftsområdet, sør i Austrevågen. Følgj sti frå kaiplass fram til huset. Friluftsrådet og dei som leiger kystledhuset, har rett til å disponere ein plass ved flytebrygga i Austrevågen. Rommeleg og god hamn i Vestrevågen, med fortøyningsbolter og gode ankringstilhøve. Privat flytebryggje. Vanskeleg innseiling når sjøen står på frå vest og nord vest. Villsau beiter på øya og er med på å holde kulturlandskapet i hevd. Vis omsyn til dyra, dette gjeld spesielt i lamminga i midten av april måned. Hundar må haldast i band! Utanom friluftsområdet er Horgo i privat eige. Gjestar må ta omsyn til dette og respektere private eigedomar.